صدر ایردوان کا الجزیرہ کے لئے انٹرویو

صدر رجب طیب ایردوان نے داخلی و خارجی سیاست کے ایجنڈے کے اہم موضوعات کے بارے میں اوراپنے کس نوعیت کے صدر ہونے کے بارے میں معلومات فراہم کیں۔
صدر منتخب ہونے کے بعد الجزیرہ ٹیلی ویژن کے لئے اپنے پہلے انٹرویو میں ایردوان نے کہا کہ نیا ترکی ایک مختلف ترکی ہو گا اوراس ویژن کے ساتھ ہم 2023 کے اہداف تک رسائی حاصل کریں گے۔
انہوں نے کہا کہ اقتدار کے ساتھ ہم آہنگی کے ساتھ میں اپنے 12 سالہ تجربات کو زیادہ مختلف شکل میں عمل میں لاؤں گا اور ہم ایک روشن ترکی کے لئے ملک کے اور عوام کے امکانات میں مزید اضافہ کریں گے۔
صدارتی نظام کے بارے میں سوال کا جواب دیتے ہوئے صدر ایردوان نے کہا کہ وہ اپنے فرائض کو آئین کے دائرہ کار میں جاری رکھیں گے۔
انہوں نے کہا کہ اس وقت ہمارا نظام ایک صدارتی نظام نہیں ہے لیکن اس میں نصف صدارتی نظام سے مشابہہ ساخت موجود ہے اور اس ساخت میں میں ایک وزیر اعظم کی حیثیت سے کام کر چکا ہوں اور اب پہلی دفعہ عوام کی طرف سے منتخب صدر کی حیثیت سے ہم باہمی اتحاد کی شکل میں ترکی کی تعمیر کے لئے کام کریں گے۔
صدر ایردوان نے کہا کہ متوازی ساخت کے ساتھ جدو جہد بھی آخر تک جاری رہے گی ، یہ متوازی ساخت اب سرکاری اندراجات کا حصہ بن گئی ہے اور قومی سکیورٹی کونسل میں بھی اس کا اندراج متوازی ساخت کے نام سے ہو گیاہے۔اس وقت ہمارے اداروں میں اس کی صفائی سے متعلق کاروائیاں جاری ہیں۔
صدر ایردوان نے کہا کہ اس متوازی ساخت کے ہماری قومی دفاع کے لئے خطرہ بننے کی وجہ سے میں اپنے عہدہ دارانہ فرائض کے دوران اس جدو جہد کو جاری رکھونے پر مجبور ہوں۔ اس وقت وزیر اعظم، کابینہ اور تمام اداروں کے ساتھ مل کر اس جدو جہد کو جاری رکھے ہوئے ہیں"۔