امریکی وزیر دفاع کا دورہ ترکی

امریکی وزیر دفاع چک ہیگل آئندہ ہفتے ترکی کا دورہ کریں گے۔
پینٹاگون کے ترجمان جان کربی نے بتایا ہے کہ ہیگل چار تا پانچ ستمبر کے دوران ویلز میں منعقد ہونے والے نیٹو اجلاس میں شرکت کرنے کے بعد جارجیا اور ترکی کا دورہ کریں گے۔
کربی نے کہا کہ ترکی نیٹو کا ایک اہم رکن ملک ہے کہ جس کے عراق اور شام سے ملحقہ سرحدی علاقوں میں داعش کی سرگرمیوں اور علاقے کو در پیش خطرات پر امریکہ کو تشویش لاحق ہے۔
کربی نے مزید کہا کہ امریکہ، نئے صدر رجب طیب ایردوان کی قیادت میں ترکی کے ساتھ تعلقات کو مزید فروغ دینے کا خواہاں ہے ۔