غزہ سے متعلق ایردوان کی سفارتی کوششوں کا سلسلہ جاری
وزیراعظم ایردوان نے فرانس کے صدر فرانسواں اولینڈ اور قطر کے امیر تمیم بن حماد الثانی سے کل ٹیلی فون پر بات چیت کی۔ بات چیت کے دوران غزہ میں رونما ہونے والے واقعات پر خدشات کا اظہار کرتے ہوئے دونوں رہنماوں نے فریقین سے کشیدگی میں اضافہ کرنے کے اقدامات سے گریز کرنےکی ضرورت پر زور دیا
اسرائیل کے غزہ پر حملوں سے متعلق وزیراعظم رجب طیب ایردوان نے اپنی سفارتی کوششوں کو جاری رکھا ہوا ہے۔
وزیراعظم ایردوان نے فرانس کے صدر فرانسواں اولینڈ اور قطر کے امیر تمیم بن حماد الثانی سے کل ٹیلی فون پر بات چیت کی ہے۔
وزارتِ اعظمیٰ سے حاصل کردہ معلومات کے مطابق وزیراعظم ایردوان نے کل انطالیہ کے ہوائی اڈے پر اترنے کے بعد فرانس کے صدر فرانسواں اولینڈ سے ٹیلی فون پر بات چیت کی ۔ دونوں رہنماوں نے سن 2012 میں طے پانے والے سمجھوتے پر عمل درآمد کرنے اور فوری طور پر فائر بندی قائم کرنے کی ضرورت پر زور دیا۔
بات چیت کے دوران غزہ میں رونما ہونے والے واقعات پر خدشات کا اظہار کرتے ہوئے دونوں رہنماوں نے فریقین سے کشیدگی میں اضافہ کرنے کے اقدامات سے گریز کرنےکی ضرورت پر زور دیا۔
دونوں رہنماوں نے علاقے میں فائر بندی کو جلد از جلد قائم کرنے کی ضرورت پر زوردیتے ہوئے اس سلسلے میں اپنی کوششوں کو جاری رکھنے کا فیصلہ کیا۔
وزیراعظم ایردوان نے بعد میں قطر کے امیر تمیم بن حماد الثانی سے ٹیلی فون پر بات چیت کی اور دونوں رہنماوں نے اسرائیل کے حملوں کو فوری طور پر رکوانے کے لیے عالمی برادری سے فوری طور پر اپنی کوششوں کو جاری رکھنے کی ضرورت پر زور دیا۔
متعللقہ خبریں
صدر رجب طیب ایردوان کی امریکہ میں مصروفیات
ہ اگر سب ممالک ملکر قیامِ امن کے مقصد کے ساتھ کارروائیاں کریں تو اسرائیل رکنے پر مجبور ہو جائے گا