راہ ترقی پر گامزن ترکی 52
استنبول میں یوریشیا ٹنل اور تیسرے پل کا افتتاح
گزشتہ قسط میں توانائی کے شعبے میں سرمایہ کاری اور ٹرکش اسٹریم منصوبے کے بارے میں معلومات فراہم کی گئی تھیں، آج ہم یوریشیا ٹنل منصوبے اور اس کے ترک معیشت پر مثبت اثرات کے حوالے سے آگاہی کرائیں گے۔
ترقی پذیر ملکوں میں مواصلات کے بنیادی ڈھانچے کو جدید بنانا، اس سرمایہ کاری کے اولین طور پر اندرونی و بیرونی تجارتی فروغ میں اہم خدمات فراہم کرنے کی بنا پر اہم تصور کیا جاتا ہے۔ براہ راست غیر ملکی سرمایہ کاری کرنے والے کاروباری حضرات ، فیکٹریوں، ویئر ہاؤس اور طرح کی براہ راست سرمایہ کاری کے لیے اولین طور پر نقل و حمل کی آسانیوں کو بالائے طاق رکھتے ہیں۔ کیونکہ مواصلاتی ڈھانچوں کا جدید سطح کا ہونا، سرمایہ کاری کی مالیت میں کمی لاتا ہے تو اس کے ساتھ ساتھ رقابت کی طاقت کو بھی تقویت دیتا ہے۔ سڑکوں، پُلوں، ہائی ویز ریلوے نظام کے جدید اور ترقی یافتہ ہونے سے اندرون اور بیرون ملک سے سرمایہ کاری کی سطح میں اہم سطح کا اضافہ کرتا ہے۔ جو کہ ترقی پذیر ملکوں کی معاشی ترقی میں اہم سطح کی خدمات فراہم کرتا ہے۔ بلواسطہ طور پر کی گئی سرمایہ کاری کی وساطت سے ملک کے اندر روزگار کے مواقعوں میں اضافہ ہونے کی بدولت خوش حالی کی سطح بھی بلند ہوتی ہے۔
ترک معیشت دنیا کی بڑی 20 اقتصادیات میں شمار ہوتی ہے۔ ترکی کی بر ِ اعظم ایشیا اور یورپ کو ایک دوسرے سے ملانے والی جیو پولیٹک اہمیت کافی زیادہ ہے۔ صد ہا سال تک شاہراہ ریشم اور سپائس روٹ پر واقع اس ملک کی 21 ویں صدی میں بھی اہمیت جاری ہے۔ عالمی اور ترکی کی تجارت کو فروغ دینے میں مؤثر ہونے وا لے اسباب میں سے ایک نقل و حمل کے بنیادی ڈھانچے میں رونما ہونے والی ترقی ہے۔ ٹرانسپورٹنگ سیکٹر سے لیکر دیگر پیداواری شعبوں تک مواصلاتی انفرا سڑکچر میں ترقی، ترک معیشت کو پیداوار، سرمایہ کاری اور روزگار کے مواقع جیسے شعبہ جات میں مثبت اثرات پیدا کرتی ہے۔ گزشتہ بیس برسوں میں ملکی مواصلاتی بنیادی ڈھانچے سے متعلق متعدد اہم منصوبوں کو عملی جامہ پہنایا گیا ہے۔ اس توسط سے نقل و حمل میں آسانیاں آئی ہیں، روزگار کے نئے مواقع پیدا ہوئے ہیں اور براہ راست غیر ملکی سرمایہ کاری کے لیے پر کشش ماحول قائم کیا گیا ہے۔ جیسا کہ اس قبل کی اقساط میں ذکر کیا گیا تھا کہ ترکی میں ابتک تیز رفتار ٹرین منصوبے، استنبول تیسرےبین الاقوامی ہوائی اڈے سمیت گزشتہ ایام میں ایشیا اور یورپ کو ملانے والے یوریشیا ٹنل جیسے اہم منصوبوں کو پایہ تکمیل تک پہنچایا گیا ہے۔ صدر رجب طیب ایردوان اور وزیر اعظم بن علی یلدرم کی جانب سے افتتاح کردہ یوریشیا ٹنل منصوبہ ترقی کی جانب گامزن ترکی میں بنیادی ڈھانچے میں سرمایہ کاری کے اعتبار سے اہم ترین منصوبوں میں شمار ہوتا ہے۔
وزیر اعظم بن علی یلدرم کی جانب سے فراہم کردہ معلومات کے مطابق زیر سمندر 107 میٹر کی گہرائی میں تعمیر کردہ یوریشیا ٹنل کی بدولت ڈیڑھ گھنٹے کے سفر کو اب محض 15 منٹ میں طے کیا جا سکے گا۔ ساڑھے چار ارب لیرے کی لاگت آنے والے اس منصوبے کی بدولت سالانہ 160 ملین لیرے کے ایندھن کی بچت کی منصوبہ بندی کی گئی ہے، جو کہ توانائی کا فقدان ہونے والے ملک ترکی اور اس کی معیشت کے لیے بارآور ثابت ہو گا۔ علاوہ ازیں اس ٹنل کے ذریعے 25 برسوں تک سرکاری حصے اور ٹیکس آمدن کے ذریعے ملکی خزانے کے لیے سالانہ تقریباً 180 ملین لیرے کی آمدنی متوقع ہے۔ ٹنل کے امور کو 25 سال کے بعد حکومت کے ہاتھ میں دے دیا جائیگا جو کہ ملکی معیشت اور شہریوں کی خوشحالی میں معاون ثابت ہو گا۔
نتیجتاً مواصلاتی بنیادی ڈھانچے کی مضبوطی ملکی معیشت کے فروغ اور روز گار کے مواقع میں اضافے کے حوالے سے مثبت اثرات مرتب کرے گی۔ انفرا سڑکچر میں سرمایہ کاری براہ راست غیر ملکی سرمایہ کاروں کو ملک کی جانب راغب کرنے اور اندرونی و بیرونی تجارت کے فروغ کے سلسلے میں معاونت فراہم کرتی ہے۔
ترکی نے گزشتہ 15 برسوں میں بنیادی ڈھانچے کے قیام میں سرمایہ کاری کو سرعت دے رکھی ہے۔ حال ہی میں افتتاح ہونے والے ٹنلز، آبنائے استنبول پر تیسرا پُل اور دنیا کے بڑے ترین ہوائی اڈے کی استنبول میں تعمیر نے ترکی کی اس شعبے میں توجہ کی بھر پور طریقے سے عکاسی کی ہے۔خاصکر یوریشیا ٹنل کے طویل مدت میں توانائی کی درآمدات میں بچت اور خزانے کی آمدنی میں اضافے جیسے مفاد کی بدولت شہریوں کی خوشحالی میں بار آور ثابت ہونے کی توقع کی جاتی ہے ۔ ترقی کی جانب گامزن انفراسٹرکچر، سرمایہ کاری ترک معیشت کی ترقی میں مؤثر اثرات قائم کرنے کے عمل کو جاری رکھے گا۔
