کورونا وبا نے عالمی سطح پر اوسط عمر میں 2 سال کی کمی کر دی، ڈبلیو ایچ او

صحت کی عالمی تنظیم  نے اعلان کیا ہے کہ کورونا وائرس کی وبا کے نتیجے میں دنیا بھر میں متوقع عمر میں تقریباً 2 سال کی کمی واقع ہوئی ہے۔

ڈبلیو ایچ او کی ویب سائٹ پر  جاری کردہ بیان میں  بتایا گیا کہ دنیا بھر میں اوسط عمر میں بہتری اور پیش رفت کورونا وبا  کے دوران  منفی  طریقے سے متاثر ہوئی ہے۔

بیان میں نوٹ کیا گیا کہ 2019-2021 میں کوویڈ 19  وبا  کے باعث متوقع عمر میں 1.8 سال کی کمی آتے ہوئے اوسطاً 71.4 سال تک ہو  گئی ہے۔

ڈبلیو ایچ او کے ڈائریکٹر جنرل ٹیڈروس ادہانوم گیبریئسس نے اس موضوع پر اپنے بیان میں کہا، "کوویڈ 19 کی وبا نے صرف 2 سال میں متوقع عمر میں 10 سال کے اضافے کا رخ بدل ۔"

انہوں نے اس بات پر زور دیا کہ آنے والی نسلوں کے تحفظ کے لیے ممالک کو عالمی وبا کے معاہدے پر متفق ہونا چاہیے۔

ڈبلیو ایچ او کی "عالمی صحت کے اعدادوشمار 2024" کی رپورٹ کے مطابق،  براعظم امریکہ  اور جنوب مشرقی ایشیائی ممالک کورونا وبا سے سب سے زیادہ متاثر ہونے والے مقامات ہیں۔ رپورٹ میں اس بات پر زور دیا گیا کہ 2020 اور 2021 میں براعظم امریکہ میں اموات کی سب سےنمایاں وجہ وبا تھی۔

رپورٹ میں کہا گیا ہے کہ مغربی بحرالکاہل کے ممالک کوویڈ 19 کی وبا کے پہلے دو سالوں میں اس وائرس سے کم سے کم متاثر ہوئے۔