لال بیگ اور مچھروں کو مارنے والی گھریلو دوا

شاید ہی کوئی گھر ایسا ہو جہاں لال بیگوں اور مچھروں کا مسئلہ موجود نہ ہو اور اسی وجہ سے گھریلو اشیائے صرف میں کیڑے مار دوائیں ہر وقت شامل رہتی ہیں لیکن اس مقصد کے لیے ایک دوا آپ گھر پر خود بھی بناسکتے ہیں جو ایک سیکنڈ کے اندر اندر کسی بھی لال بیگ یا مچھر کو ہلاک کرسکتی ہے۔

یہ دوا تیار کرنے کے لیے سب سے پہلے آدھا کپ سبزی جاتی تیل (ویجی ٹیبل آئل)، آدھا کپ سرکہ اور آدھا کپ شیمپو اچھی طرح سے آپس میں ملا لیجیے، آپ کی دوا تیار ہے۔

جب بھی دوا استعمال کرنی ہو تو پہلے بوتل کو اچھی طرح ہلا کر اس کے تمام اجزاء ایک بار پھر آپس میں یکجان کرلیں۔ اس کا چھڑکاؤ ان تمام جگہوں پر کریں جہاں لال بیگوں اور مچھروں کی تعداد زیادہ ہو۔ جونہی یہ گھریلو جادوئی اسپرے ان پر پڑے گا وہ اس طرح سے مرنے لگیں گے جیسے آپ نے کوئی خطرناک جراثیم کش دوا اُن پر چھڑک دی ہو۔

ہفتے میں ایک سے دو مرتبہ اس دوا کے استعمال سے آپ کے گھر میں مچھروں اور لال بیگوں کی تعداد نمایاں طور پر کم ہوجائے گی اور مہنگی دوا پر خرچ ہونے والی رقم کی بچت بھی الگ ہوگی۔