ترکیہ میں قائم  اعتماد اور استحکام کےاثرات کے نتیجے میں غیر ملکی سرمایہ کاری میں اضافہ

ترکیہ میں قائم  اعتماد اور استحکام کےاثرات کو اب   عالمی سطح پر بھی  محسوس کیا  جا رہا ہے۔

ترکیہ میں غیر ملکی سرمایہ کاروں کی دلچسپی مسلسل بڑھ رہی ہے۔

بین الاقوامی سرمایہ کار ایسوسی ایشن نے 'بین الاقوامی براہ راست سرمایہ کاری بلیٹن' شائع کیا ہے ۔

اعداد و شمار کے مطابق، جنوری میں ترکیہ میں 910 ملین ڈالر کی بین الاقوامی براہ راست سرمایہ کاری کی گئی ہے اور اس طرح گزشتہ سال جنوری کے مقابلے میں اس میں  20 فیصد اضافہ ہوا ہے۔

شعبہ جاتی بنیادوں پر سب سے زیادہ سرمایہ کاری کان کنی کے شعبے میں دیکھی گئی۔

جنوری میں سب سے زیادہ بین الاقوامی سرمایہ کاری 44 فیصد کے امریکہ سے آئی ہے۔ اس کے بعد جرمنی 17 فیصدکے ساتھ دوسرے  نمبر پر اور  برطانیہ 12 فیصد کے ساتھ تیسرے نمبر  پر ہے۔ سرمایہ کاری میں یورپی یونین کے ممالک کا کل حصہ 27 فیصد رہا ہے ۔