البانیہ ترک ڈرونز بائراکتر ٹی بی ٹو خریدے گا

 البانیہ اور ترکیہ کے درمیان  اسٹریٹیجک تعاون کے تحت بائراکتر ٹی بی ٹو ڈرونز کی خرید کا معاہدے طے پا گیا ہے۔

 حکومت البانیہ کے بیان میں بتایا گیا ہے کہ  یہ معاہدہ تقریب ترانہ میں منعقد ہوئی جس میں وزیراعظم ایدی راما،وزیر دفاع نیکو پیلیشی ،ترک سفیر طیار کاغان اور بائے کار کے جنرل مینیجر حالوق بائراکتر نے شرکت کی ۔

 اس موقع پر وزیر اعظم ایدی راما  نے  اپنے خطاب میں کہا کہ  اس ساری پیش رفت کو تکمیل تک پہنچانے پر میں صدر ایردوان  کا مشکور ہوں،دونوں ملکوں کے مابین تعلقات فروغ پا رہے ہیں،جمہوریہ ترکیہ اور صدر ایردوان کے ہمراہ نیٹو میں بھی ہم ایک ہی صف میں شامل ہیں جو کہ باعث فخر ہے، ترکیہ کے ساتھ  ہمارے اسٹریٹیجک تعلقات موجود ہیں جبکہ آج  ہمارےلیے ایک اہم اور خوشگوار دن ہے۔

البانوی وزیراعظم نے کہا کہ ڈرونز کی خرید کا معاہدہ البانوی مسلح افواج اور بائے کار کے درمیان تعاون کے نئے ابواب کھولنے میں بھی مدد دے گا،بائے کار البانیہ میں تعمیر شدہ نیٹو کے نئے فوجی اڈے پر جدید ٹیکنولوجی سے لیس نظام کے تربیتی پروگرام کی بھی نگرانی کرے گا اس کے علاوہ ابتدائی طور پر خریدے گئے تین عدد بائراکتر ڈرونز کی مدد سے ہمیں اپنی ملکی سلامتی کو درپیش ممکنہ خطرات سے نمٹنے میں مدد ملے گی ۔

بائے کار کے جنرل مینیجر حالوق بائراکتر نے بھی  کہا کہ  جدید ٹیکنولوجی کا استعمال دونوں ملکوں کے درمیان  ایک نئے دور کے آغاز کا سبب بنے گا،ہم امید کرتے ہیں کہ یہ ڈرونز البانیہ کی ملکی سلامتی کو مزید بہتر بنانے میں معاون ہونگے۔