دنیا میں سستا اورمہنگا پٹرول کہاں بک رہا ہے

دنیا بھر میں سب سے سستا پٹرول اس وقت جنوبی امریکی ملک وینزویلا میں ملتا ہے، جہاں فی لیٹر پٹرول کی قیمت پاکستانی روپوں میں ساڑھے 4 روپے ہے۔

دوسری طرف دنیا میں سب سے مہنگا پٹرول اس وقت ہانگ کانگ میں دستیاب ہے، جہاں فی لیٹر پٹرول 588 روپے 71 پیسے میں دستیاب ہے۔

پاکستان کے ہمسایہ ملک ایران میں بھی اس وقت ایندھن بہت سستا ہے، ایک لیٹر پٹرول 10 روپے 74 پیسے میں مل رہا ہے، شام میں پٹرول فی لیٹر 57 روپے میں دستیاب ہے، جب کہ ملائیشیا میں فی لیٹر پٹرول 94 روپے میں فروخت ہو رہا ہے۔

تیل کے ذخائر سے مالا مال قطر میں بھی یہ قیمت 116 روپے فی لیٹر تک پہنچ چکی ہے، سعودی عرب میں ایک لیٹر پٹرول 125 روپے میں فروخت ہو رہا ہے، دبئی سمیت عرب امارات میں یہ قیمت 194 روپے تک پہنچ چکی ہے۔ افغانستان میں بھی پٹرول مہنگا ہے، فی لیٹر کی قیمت 173 روپے سے زائد ہے، امریکہ میں یہ قیمت 252 روپے فی لیٹر سے اوپر جا چکی ہے، بنگلا دیش میں 202 روپے فی لیٹر ہے، چین میں 281 روپے مل رہا ہے۔

بھارت میں ایک لیٹر پٹرول 270 روپے میں فروخت ہو رہا ہے، نیوزی لینڈ میں پٹرول 401 روپے فی لیٹر خریدا جا رہا ہے، برطانیہ میں 424 روپے فی لیٹر ہو چکا ہےجبکہ ترکی میں اس وقت 1 لیٹر پٹرول کی قیمت  تقریبا 316 روپے   پاکستانی ہے ۔