امریکہ سے تجارتی جنگ نہیں چاہتے مگر قومی مفادات پر سودے بازی نہیں ہوگی: چین
فولاد اور ایلومنیئم کی درآمد پر اضافی ٹیکس کے امریکی فیصلے پرچینی نائب وزیر خارجہ ژانگ یاسوئی نے کہا ہے کہ ہم امریکہ سے تجارتی جنگ نہیں چاہتے مگر اگر ہمارے قومی مفادات پر کوئی آنچ آئی تو بھرپور جواب دیا جائے گا
922818
امریکی صدر ٹرمپ کی طرف سے فولاد اور ایلومنیئم کی درآمد پر اضافی ٹیکس کے فیصلے پر چین نے رد عمل ظاہر کیا ہے ۔
نائب وزیر خارجہ ژانگ یاسوئی نے کہا ہے کہ ہم امریکہ سے تجارتی جنگ نہیں چاہتے مگر اگر ہمارے قومی مفادات پر کوئی آنچ آئی تو اس کا بھرپور جواب دیا جائے گا۔
چینی پارلیمان کے سالانہ اجلاس سے خطاب کے دوران ژانگ نے کہا کہ ہم باہمی تجارت میں افہام و تفہیم پر یقین رکھتےہیں مگر یہ کہنا ضروری ہوگا کہ غلط فیصلوں کے نتائج دو طرفہ تعلقات کو متاثر کریں گے لہذا احتیاط برتی جائے۔