سابق وزیر اعظم عمران خان نے ہائی کورٹ سے معذرت کر لی
اگر جج حضرات کے مطابق میں نے سرخ پٹی عبور کی ہے تو معافی مانگنے پر تیار ہوں
خاتون جج کے خلاف توہین آمیز بیان کے مقدمے میں عمران خان نے اسلام آباد ہائی کورٹ میں حلفیہ بیان جمع کرادیا ۔
بیان حلفی میں تحریک انصاف کے چیئرمین عمران خان نے کہا کہ گزشتہ سماعت پر عدالت کے سامنے جو کہا اس پر مکمل عمل کروں گا، عدالت اپنے اطمینان کے لیے مزید کچھ کہے تو اس حوالے سے مزید اقدام کے لیے بھی تیار ہوں۔
عمران خان نے کہا کہ اگر جج حضرات کے مطابق میں نے سرخ پٹی عبور کی ہے تو معافی مانگنے پر تیار ہوں، گزشتہ سماعت میں بھی میں نے اسی چیز کا اظہارکیا تھا۔
انہوں نے وضاحت کرتے ہوئے کہا کہ تقریر میں جج کو دھمکی دینے کا کوئی ارادہ نہیں تھا، ایکشن لینے سے مراد لیگل ایکشن کے سوا کچھ نہیں نہیں تھا، میں نے 26 سالوں تک عدلیہ کی آزادی اور قانون کی حکمرانی کے لیے جدوجہد کی ہے۔
عمران خان نے مستقبل میں عدلیہ سے متعلق محتاط رہنے کی یقین دہانی کراتے ہوئے مزید کہا کہ مستقبل میں ایسا کچھ نہیں کروں گا جس سے عدلیہ کے وقار بالخصوص ماتحت عدلیہ کو نقصان پہنچے۔
متعللقہ خبریں
پاکستان کا پہلا خلائی مشن چاند کے سفر پر روانہ
سیٹلائٹ مشن 3 سے 6 ماہ تک چاند کے اطراف چکر لگائے گا اور چاند کی سطح کی تصاویر لے گا
بھارت میں مسلم دشمنی اور تشدد انتہائی تشویشناک سطح تک جا پہنچا ہے، پاکستانی دائممی مندوب
’بھارت میں مسلمانوں اور عیسائیوں پرمظالم میں منظم طریقے سے بڑی حدتک اضافہ ہوا ہے۔‘‘