وزیراعظم عمران خان کا صحت کی جدیدسہولتوں کی فراہمی یقینی بنانے پرزور
اسلام آباد میں پنجاب کے شعبہ صحت کو بہتربنانے سے متعلق اجلاس کی صدارت کرتے ہوئے انہوں نے نئے قائم کئے گئے مراکزصحت کوجدیدخطوط پراستوار کرنے اور انہیں منظم اندازمیں چلانے پرخصوصی توجہ دینے کی ضرورت پربھی زوردیا
وزیراعظم عمران خان نے موجودہ مراکزصحت میں بہترسہولتوں اور انتظامات کے ساتھ صحت کی جدیدسہولتوں کی فراہمی یقینی بنانے پرزوردیاہے۔
اسلام آباد میں پنجاب کے شعبہ صحت کو بہتربنانے سے متعلق اجلاس کی صدارت کرتے ہوئے انہوں نے نئے قائم کئے گئے مراکزصحت کوجدیدخطوط پراستوار کرنے اور انہیں منظم اندازمیں چلانے پرخصوصی توجہ دینے کی ضرورت پربھی زوردیا۔
وزیراعظم کوصوبہ پنجاب کے شعبہ صحت کی بہتری اوراسے جدیدخطوط پراستوارکرنے خاص طورپر وفاقی حکومت کے معاون منصوبوں اورعوام کے لئے اُن کے فوائدپرپیشرفت سے متعلق تفصیل سے بریفنگ دی گئی۔
وزیراعظم کوگوجرانوالہ ،لاہور،بہاولنگر،بہاولپور،لیہ، راجن پور، اٹک، میانوالی اورچکوال جیسے شہروں میں صحت کی معیاری سہولتوں کی فراہمی سے متعلق آگاہ کیاگیا جہاں اَسی سے نوے ارب روپے کی لاگت سے زچہ بچہ ہسپتال اورنرسنگ سنٹرزسمیت جدیدمراکزصحت قائم کئے جارہے ہیں۔
وفاقی حکومت کی طرف سے مشینری کی درآمدپررعایت، ہسپتالوں اورتعلیمی اداروں کے لئے متروکہ املاک کی مناسب قیمتوں پرفراہمی کاحوالہ دیتے ہوئے عمران خان نے کہاکہ صحت کے شعبے میں نجی شعبے کی شراکت داری کی حوصلہ افزائی حکومت کی اولین ترجیح ہے۔
متعللقہ خبریں
پاکستان کا پہلا سیٹلائٹ خلائی مشن آئی کیوب چاند کے مدار میں کامیابی سے پہنچ گیا
آئی کیوب قمر سے چاند کی پہلی تصویر 15 یا 16 مئی تک موصول ہو نے کا امکان ہے
پاکستان کا پہلا خلائی مشن چاند کے سفر پر روانہ
سیٹلائٹ مشن 3 سے 6 ماہ تک چاند کے اطراف چکر لگائے گا اور چاند کی سطح کی تصاویر لے گا