ملک میں معاشی حالات مشکلات سے دو چار ہیں، وفاقی وزیر
معیشت کی بحالی اور مہنگائی کے خاتمے کے لیے ہماری پالیسیاں صحیح راہ پر آگے بڑھ رہی ہیں
1357833
وفاقی وزیر برائے منصوبہ بندی وخصوی اقدامات اسد عمر نے اعتراف کرتے ہوئے کہا ہے کہ ملک میں موجودہ صورتحال مشکل ہے لیکن معیشت کی بحالی اور مہنگائی کے خاتمے کے لیے اٹھائے گئے اقدامات صحیح راہ پر گامزن ہیں۔
اسدعمر نےواضح کیا کہ موجودہ صورتحال سے اور کام سے مطمئن ہونا دو الگ باتیں ہیں، موجودہ صورتحال مشکل ہے لیکن معیشت کی بحالی اور مہنگائی کے خاتمے کے لیے ہماری پالیسیاں صحیح راہ پر آگے بڑھ رہی ہیں ، انشاء اللہ حالات بہتر ہوں گے۔
انہوں نے ایک سوال کے جواب میں بتایا کہ شبرشیدی کے حکومت سے نالاں ہونے کے حوالے سے میرے پاس معلومات نہیں، میری اطلاعات کے مطابق چیئرمین ایف بی آرشبر زیدی بیمار ہیں۔ انہوں نے کہا کہ دارالحکومت میں جھوٹی خبریں گردش کرتی رہتی ہیں، حفیظ شیخ ہی مشیر خزانہ کے طور پر اپنا کام جاری رکھیں گے۔