پاکستان: چیف جسٹس عید کے دوسرے ہی دن فرائض کی ادائیگی میں مصروف، متعلقہ حکام کی طلبی
چیف جسٹس میاں محمد ثاقب نثار نے عید کے دوسرے ہی دن خواجہ سراوں کے شناختی کارڈ کے حصول میں درپیش مشکلات کا از خود نوٹس لے کر تمام اداروں کے متعلقہ حکام کو طلب کر لیا
993774
پاکستان کے چیف جسٹس میاں محمد ثاقب نثار نے عید کے دوسرے ہی دن خواجہ سراوں کے شناختی کارڈ کے حصول میں درپیش مشکلات کا از خود نوٹس لے کر تمام اداروں کے متعلقہ حکام کو کل طلب کر لیا ہے۔
اطلاع کے مطابق از خود نوٹس کی سماعت کل صبح 11 بجے سپریم کورٹ لاہور رجسٹری میں ہو گی۔
سماعت چیف جسٹس آف پاکستان میاں محمد ثاقب نثار کی سربراہی میں بینچ کرے گا۔
واضح رہے کہ گذشتہ روز فاونٹین ہاوس کے دورہ کے موقع پر خواجہ سراوں نے چیف جسٹس سے شناختی کارڈ کے حصول میں درپیش مشکلات سے متعلق اپیل کی تھی۔
اپیل کے جواب میں از خود نوٹس لے کر چیف جسٹس نے کل چیف سیکرٹری پنجاب اور اخوت فاونڈیشن کے سربراہ ڈاکٹر امجد ثاقب کو کل طلب کیا ہے۔
متعللقہ خبریں
پاکستان کا پہلا سیٹلائٹ خلائی مشن آئی کیوب چاند کے مدار میں کامیابی سے پہنچ گیا
آئی کیوب قمر سے چاند کی پہلی تصویر 15 یا 16 مئی تک موصول ہو نے کا امکان ہے