پاکستان کی جوہری سیکیورٹی میں اہم اقدامات اٹھائے گئے ہیں
امریکہ میں جوہری کانفرس سے قبل پاکستان کے جوہری پروگرام کی سیکورٹی پر مثبت خیالات کا اظہار کیا گیا ہے
بین الاقوامی جوہری کانفرنس سے قبل جاری ہونے والی ایک رپورٹ میں کہا گیا ہے کہ پاکستان نے سول اور ملٹری مقامات پر اپنے جوہری اسلحہ کے تحفظ اور سیکیورٹی کو یقینی بنانے کے لیے کئی اقدامات اٹھائے ہیں۔
واضح رہے کہ چوتھی اور آخری جوہری سیکیورٹی کانفرنس 31 مارچ تا یکم اپریل امریکہ کے دارالحکومت واشنگٹن میں منعقد ہوگی، جس میں پاکستانی و ہندوستان کے وزرائے اعظم سمیت کئی ممالک کے سربراہان شرکت کریں گے۔
یاد رہے کہ اپریل 2009 میں امریکی صدر براک اوباما نے جمہوریہ چیک کے دارالحکومت پراگ سے نیوکلیئر کانفرنس منعقد کرنے کی کوششوں کا آغاز کیا تھا۔
وائٹ ہاؤس کے ترجمان جوش ارنسٹ کا کہنا تھا کہ رواں سال نیوکلیئر کانفرنس میں جوہری دہشت گردی کے بڑھتے ہوئے خطرات پر تبادلہ خیال کیا جائے گا، جبکہ انتہائی افزودہ یورینیم کے استعمال کو کم سے کم کرنے، غیر محفوظ جوہری اثاثوں کو محفوظ بنانے، جوہری اسمگلنگ کے انسداد اور دہشت گردی میں اس کی روک تھام کے حوالے سے مشترکہ طور پر اٹھائے جانے والے ممکنہ اقدامات پر غور کیا جائے گا۔
کانفرس سے پیشتر ایک رپورٹ میں کہا گیا ہے کہ پاکستان نے اپنے نیوکلیئر سیکیورٹی ایکشن پلان میں بھی تجدید کی ہے اور نیوکلیئر ایمرجنسی مینیجمنٹ سسٹم تیار کیا ہے۔
متعللقہ خبریں
پاکستان کا پہلا سیٹلائٹ خلائی مشن آئی کیوب چاند کے مدار میں کامیابی سے پہنچ گیا
آئی کیوب قمر سے چاند کی پہلی تصویر 15 یا 16 مئی تک موصول ہو نے کا امکان ہے