عمران خان نے پھر دھرنا دینے کی دہمکی دے دی

عمران خان نے جوڈیشل کمیشن کے فیصلے پر الیکشن کمیشن کو جواب کیلئے دو ہفتے کا الٹی میٹم دے دیا ہے۔
تحریک انصاف کے چیرمین عمران خان نے کہا ہے کہ چیف الیکشن کمشنر نے اب تک میرے خط کا جواب نہیں دیا اور اگر 2 ہفتوں میں سوالات کے جواب نہ ملے تو 2 ہفتوں کے بعد الیکشن کمیشن کے باہر دھرنا دیں گے اور ایسا دھرنا ہوگا کہ 126 دن والا دھرنا بھی بھول جائیں گے۔
لاہور کے زمان پارک میں کارکنوں سے خطاب کرتے ہوئے کپتان الیکشن کمیشن اور نادرا پر شدید تنقید کی۔
عمران خان نے کہا کہ اگرانتخابی عملہ غلطیاں کرے گا تو دھاندلی ہی کہیں گے ، انگوٹھوں کی تصدیق کیلئے چھتیس لاکھ روپے دیئے ، چیئرمین نادرا کو شرم آنی چاہیے ۔ کپتان ٹربیونل کے فیصلے پر بھی انتہائی خوش نظر آئے ، اگلے ہفتے ایک اور وکٹ گرنے کی پیش گوئی بھی کردی ۔ الیکشن ٹربیونل کے فیصلے کو اپنی جیت قرار دیتے ہوئے عمران خان سردار ایاز صادق سے ہمدردی کا اظہار بھی کرگئے ۔
عمران خان نےکہا کہ اگر حکومت 4 حلقے کھول دیتی تو دھرنا نہ ہوتا لیکن اب عوام کو پتا چل گیا ہوگا کہ نوازشریف 4 حلقے کیوں نہیں کھول رہے تھے؟