اقوام متحدہ میں ڈرون حملوں کیخلاف پاکستان کی قرار داد منظور
جنیوا میں اقوام متحدہ کی انسانی حقوق کی کونسل میں پیش کی جانے والی قرارداد کے حق میں 29جبکہ مخالفت میں 6 ووٹ ڈالے گئے ۔ قرار داد پاکستان کے مندوب ضمیر اکر م نے پیش کی جس میں ڈرون حملوں کے دوران عام انسانوں کی جانوں کے ضیاع پر تشویش کا اظہارکیاگیا
پاکستان نے اقوام متحدہ میں ڈرون حملوں کے خلاف جو قرار دادپیش کی تھی اسے منطورکرلیا گیا ہے۔ جنیوا میں اقوام متحدہ کی انسانی حقوق کی کونسل میں پیش کی جانے والی قرارداد کے حق میں 29جبکہ مخالفت میں 6 ووٹ ڈالے گئے ۔
قرار داد پاکستان کے مندوب ضمیر اکر م نے پیش کی جس میں ڈرون حملوں کے دوران عام انسانوں کی جانوں کے ضیاع پر تشویش کا اظہارکیاگیاہے اور رکن ممالک پر زوردیا گیاہے کہ دہشتگردی سے نمٹنے کے لیے ڈرون سمیت تمام اقدامات عالمی قوانین کے تحت بنائے جائیں ۔ انسانی حقوق کونسل رواں برس ستمبر میں ڈرون حملوں کے استعمال کا قانونی جائزہ لے گی۔
سفارتی ذرائع کا کہنا ہے کہ قراردادکی منظوری بین الاقوامی قوانین کے خلاف مسلح ڈرون کے استعمال کے بارے میں پاکستان کے اصولی موقف کی کامیابی ہے جس سے ڈرون کے مسئلے کو حل کرنے کے لیے پاکستان کی کوششوں کو مزید تقویت ملے گی۔
متعللقہ خبریں
پاکستان کا پہلا سیٹلائٹ خلائی مشن آئی کیوب چاند کے مدار میں کامیابی سے پہنچ گیا
آئی کیوب قمر سے چاند کی پہلی تصویر 15 یا 16 مئی تک موصول ہو نے کا امکان ہے
