وزیر اعظم پاکستان کی ایم کیو ایم کے وفد سے اہم ملاقات
مقامی ذرائع ابلاغ نے اس ملاقات کے دوران سندھ میں مہاجر صوبے کے قیام کے حوالے سے معاملہ زیر بحث آنے کی خبریں جاری کی تھیں تو حکومت نے اس کی تردید کر دی ہے
پاکستان کے وزیر اعظم ہاؤس کے ترجمان کا کہنا ہے کہ وزیر اعظم نواز شریف کی ایم کیو ایم کے وفد سے نئے صوبوں کے بارے میں کوئی بات نہیں ہوئی۔
ذرائع کے مطابق ایم کیو ایم کے چار رکنی وفد نے گزشتہ روز خالد مقبول صدیقی کی قیادت میں وزیراعظم نواز شریف سے ملاقات کی تھی۔ جس کے بعد ذرائع ابلاغ کے بعض حلقوں نے یہ خبریں سامنے لائی تھیں کہ ایم کیو ایم نے سندھ میں ایک مہاجر صوبے کی تشکیل کے لیے وزیر اعظم سے حمایت طلب کی ہے۔ لیکن وزیر اعظم ہاؤس کے ترجمان نے ان خبروں کی تردید کرتے ہوئے کہا ہے کہ ایم کیو ایم وفد اور وزیراعظم کے درمیان صوبوں کے حوالے سے کوئی بات نہیں ہوئی۔
ادھر وفاقی وزیر اطلاعات پرویز رشید نے اپنے بیان میں کہا ہے کہ ایم کیو ایم کے ایجنڈے میں محض چار نکات شامل تھے۔ جس میں مہاجر صوبے کی تشکیل کا مطالبہ ہر گز شامل نہیں تھا۔
متعللقہ خبریں
پاکستان کا پہلا سیٹلائٹ خلائی مشن آئی کیوب چاند کے مدار میں کامیابی سے پہنچ گیا
آئی کیوب قمر سے چاند کی پہلی تصویر 15 یا 16 مئی تک موصول ہو نے کا امکان ہے