غزّہ کے جبالیہ کیمپ پر اسرائیلی فوج کا تیسرا حملہ

حالیہ 48 گھنٹوں میں غزّہ کے جبالیہ مہاجر کیمپ پر تیسرے اسرائیلی حملے کے نتیجے میں 29 افراد ہلاک ہو گئے ہیں۔

فلسطین خبر رساں ایجنسی وافا کے مطابق اسرائیلی فورسز نے جبالیہ مہاجر کیمپ کے ایک اسکول پر میزائل گرائے ہیں۔ ابتدائی معلومات کے مطابق 29 افراد ہلاک  اور کثیر تعداد میں زخمی ہو گئے ہیں ۔

اسرائیلی فوج نے البریج کیمپ کو بھی نشانہ بنایا ہے۔ اس حملے میں بھی کثیر تعداد میں افراد ہلاک اور زخمی ہو گئے ہیں۔