اسرائیل: فائر بندی کے باقاعدہ اعلان تک حملے جاری رہیں گے

اسرائیل کے زیرِ محاصرہ غزّہ کی پٹّی  پر اسرائیلی فوج کے حملوں میں ہلاک ہونے والوں کی تعداد 25 ہو گئی ہے۔

غزّہ وزارت صحت نے اسرائیلی حملوں میں ہلاک اور زخمی ہونے والوں کے بارے میں تحریری بیان جاری کیا ہے۔

بیان کے مطابق غزّہ پر 9 مئی سے جاری اسرائیلی حملوں میں ہلاک ہونے والے فلسطینیوں کی تعداد 25 اور زخمی ہونے والوں کی تعداد 76 ہو گئی ہے۔

تحریک اسلامی جہاد کے عسکری وِنگ القدس بریگیڈزنے جاری کردہ تحریری بیان میں  اسرائیلی حملے میں راکٹ یونٹ کے ذمہ دار علی حسن غالی کی شہادت کی تصدیق کی ہے۔

تحریک نے قبل ازیں جاری کردہ بیان میں اسرائیلی حملوں میں فوجی عملے کی 3 اعلیٰ سطحی شخصیات کی شہادت کا بھی اعلان کیا تھا۔

دوسری طرف اسرائیلی فوج نے زیر محاصرہ غزّہ کی پٹّی میں، اسلامی جہاد تحریک سے متعلق ہونے کے دعوے کے ساتھ،  53 مختلف  مقامات پر 104 اہداف کو نشانہ بنانے کا اعلان کیا ہے۔

اسرائیلی فوج کے ترجمان دفتر کے مطابق اسرائیلی فوج کے جنگی جہازوں اور ہیلی کاپٹروں نے منگل کی رات غزّہ کی پٹّی میں 53 مختلف نقاط پر تحریک اسلامی جہاد  کے104 مقامات کو نشانہ بنایا ہے۔

اسرائیلی فوج کے ترجمان ڈینیئل ہاگاری نے مقامی ذرائع ابلاغ کے لئے جاری کردہ بیان میں کہا ہے کہ "فوج نے حماس کو نہیں اسلامی جہاد کے نقاط کو نشانہ بنایا ہے ۔ راکٹ اسلامی جہاد کی طرف سے فائر کئے گئے ہیں۔ اگر دیگر گروپ بھی جھڑپ میں داخل ہوتے ہیں تو ہم انہیں بھی جواب دیں گے"۔

فریقین کے درمیان فائر بندی مذاکرات سے متعلق خبروں کا جائزہ لیتے ہوئے ہاگاری نے کہا ہے کہ "جب تک فائر بندی کا سرکاری اعلان نہیں ہو جاتا اسلامی جہاد کے نقاط پر حملے جاری رہیں گے"۔

علاوہ ازیں اسرائیل کے وزیر دفاع یوآف گالانت نے  سکیورٹی جائزہ اجلاس کے بعد کہا ہے کہ ہم نے ملک کے جنوب میں ہنگامی حالات والے علاقے کو 40 کلو میٹر سے بڑھا کر 80 کلو میٹر کرنے کی تجویز حکومت کو پیش کر دی ہے۔

اسرائیلی فوج کے اعلان کے مطابق "ڈھال اور اوکے" کے نام سے شروع کئے حملوں کے آغاز سے غزّہ کی طرف سے بھی اسرائیل پر 270 راکٹ فائر کئے جا چُکے ہیں۔