اردن: موسلا دھار بارشیں اور سیلاب، ایک شخص ہلاک
ضلع مادابا میں موسلا دھار بارشوں کے نتیجے میں سیلابی ریلے کی وجہ سے ایک شخص ہلاک ہو گیا ہے
1927973
اردن کے جنوبی ضلعے مادابا میں موسلا دھار بارشوں کے نتیجے میں سیلابی ریلے کی وجہ سے ایک شخص ہلاک ہو گیا ہے۔
ملک کے وسطی اور جنوبی حصوں میں تقریباً ایک ہفتے سے جاری بارشیں بعض علاقوں میں سیلابی ریلوں کا سبب بن رہی ہیں۔
اردن پولیس ڈائریکٹریٹ کے ترجمان عام السرواتی نے کہا ہے کہ ضلع مادابا کے علاقے خان الزیب میں شدید بارشوں کے پیدا کردہ سیلابی ریلے ایک شخص کو بہا لے گئے ہیں۔
السرواتی نے کہا ہے کہ سِول ڈیفنس اور پولیس ٹیموں نے 20 مربع کلو میٹر علاقے میں گھنٹوں پر محیط تلاش و بچاو کی کاروائیوں کے بعد متاثرہ شخص کی لاش سیلابی پانی سے نکال لی ہے۔
