ایران کے جوہری معاہدے نے امریکہ کو دنیا میں تنہا کر دیا ہے
ایران نے جوہری معاہدے کے وقت قومی مفادات کے تحفظ کو بالائے طاق اور حالات کے تقاضے کے مطابق بہترین مؤقف کا مظاہرہ کیا تھا
ایرانی وزیر خارجہ محمد جواد ظریف کا کہنا ہے کہ انہوں نے جوہری معاہدے کے وقت ممکنہ بہترین نکات پر دستخط کیے تھے جس نے امریکہ کو مشکلات سے دو چار کر دیا تھا۔
ایرانی قومی اسمبلی میں ممبران کے جوہری معاہدے کے بارے میں سوالات کے حوالے سے خطاب دینے والے ظریف کا کہنا تھا کہ امریکہ نے دنیا میں اپنے آپ کو تنہا کر دیا ہے۔
انہوں نے اس بات کا دفاع کیا کہ ایران نے جوہری معاہدے کے وقت قومی مفادات کے تحفظ کو بالائے طاق اور حالات کے تقاضے کے مطابق بہترین مؤقف کا مظاہرہ کیا تھا۔
ظریف نے بتایا کہ ایران نے اس معاہدے کے ذریعے امریکہ کو مشکلات سے دو چار کیا ہے اور اسے دنیا میں تنہا بنا دیا ہے، یہ ملک اب اس تنہائی سے نجات پانے کے درپے ہے۔
امریکہ کے جوہری معاہدے سمیت اقوام متحدہ کے ادارے یونیسکو، شمالی امریکہ آزاد تجارتی معاہدے NAFTA، پیسیفک پار شراکت داری اور پیرس موسمی معاہدے سے علیحدگی اختیار کرنے کا ذکر کرتے ہوئے ایرانی وزیر نے کہا کہ "موجودہ انتظامیہ کو عالمی قوانین کا کوئی لحاظ نہیں "۔