شہزادے سلمان کا خط بنام صدر ٹرمپ

سعودی عرب کے ولی عہد شہزادہ محمد بن سلمان نے امریکہ کے صدر ڈونلڈ ٹرمپ کو شکریہ کا مراسلہ روانہ کیا ہے۔

شہزادہ سلمان نے فرانس کے سرکاری دورے  کے لئے امریکہ  سے روانگی سےقبل  صدر ٹرمپ کو خط لکھ کر اظہارِ ممنونیت کیا۔

خط میں شہزادہ سلمان نے لکھا ہے کہ

" دوست ملک امریکہ سے روانگی کے وقت میں نہایت مسرور و مطمئن ہوں۔ آپ کی مہمان نوازی اور گرمجوش استقبال پر آپ کا شکر گزار ہوں۔

اس دورے کے وسیلے سے میں ایک دفعہ پھر دونوں ملکوں کے درمیان تمام شعبوں میں فروغ کی طرف مائل تاریخی و اسٹریٹجک تعلقات کے لئے احترام کے جذبات محسوس کر رہا ہوں۔ مجھے یقین ہے کہ دورے کے دوران ہونے والے مذاکرات دونوں ملکوں اور ان کے عوام کے مفاد میں دو طرفہ تعاون کو مضبوط بنانے میں اہم کردار ادا کریں گے۔

میں دوست ملک امریکہ کے عوام کے لئے بھی خوشحالی اور  ترقی کے دوام کا متمنی ہوں۔

محمد بن سلمان بن عبدالعزیز السعود"۔