یمنی فوج کا اہم علاقے پر کنٹرول کا دعوی

یمن میں سرکاری فوج نے اعلان کیا ہے کہ اس نے البیضاء صوبے کے ایک اہم ترین قصبے   نعمان کے مرکزی علاقے کا کنٹرول واپس لے لیا ہے۔

دوسری جانب ، باغی حوثی ملیشیا کے بھاری جانی نقصان کا سلسلہ جاری ہے۔

یمن کی سرکاری فوج مزاحمت کاروں اور عرب اتحاد ی دستوں  کے تعاون سے شبوہ صوبے میں بیحان نامی قصبے  کے تمام دیہاتوں  اور علاقوں پر کنٹرول حاصل کرنے میں کامیاب ہو گئی۔

 دریں اثنا،٫باغی حوثی ملیشیا نے گزشتہ  روز صنعاء کے مشرق میں واقع نہم نامی علاقے  میں یمنی فوج کے ٹھکانوں پر ایک نیا بیلسٹک میزائل داغا تاہم وہ اپنے ہدف تک پہنچنے میں ناکام رہا۔

عینی شاہدین کے مطابق یہ میزائل اسی صوبے میں ملحقہ علاقے  القریشیہ میں گرا۔