اسرائیل نے 50 سال سے کم عمر افراد کی مسجد الاقصی میں داخلے پر پابندی لگا دی

اسرائیلی پولیس نے کہا ہے کی 50 سال سے کم عمر کے فلسطینی مسلمانوں کو مسجد الاقصیٰ میں نماز جمعہ کی اجازت نہیں ہو گی۔

گزشتہ روز ہی یروشلم کے اس حساس مقام پر فلسطینیوں اور اسرائیلی پولیس کے مابین تازہ جھڑپوں میں کم ازکم پچاس فلسطینی زخمی ہو گئے تھے۔

 اسرائیلی حکام کے مطابق، ایسے خدشات ہیں کہ آج بھی وہاں احتجاجی مظاہروں کا انعقاد کیا جا سکتا ہے۔جس کے لیے  کسی ممکنہ ناخوشگوار واقعہ کے پیش نظر یروشلم میں حفاظتی اقدامات بڑھا د یئے گئے ہیں۔