سعودی فرمانروا نے اپنے بیٹے کو ولی عہد مقرر کر دیا

سعودی فرمانروا شاہ سلمان بن عبدالعزیز نے گزشتہ روزایک شاہی فرمان جاری کیا  جس کے  تحت شہزادہ محمد بن نایف کو ولی عہد کے منصب سے ہٹا کر ان کی جگہ اپنے بیٹے شہزادہ محمد بن سلمان بن عبدالعزیز کو ولی عہد مقرر کیا ہے۔

 شہزادہ سلمان کے پاس نئی ذمہ داری کے ساتھ وزیر دفاع کو عہدہ بھی برقرار رہے گا اور  وہ نائب وزیر اعظم بھی ہوں گے۔

سعودی عرب کی  انتخابی  کمیٹی کے 34 میں سے 31 ارکان نے شہزادہ محمد بن سلمان کے ولی عہد مقرر کرنے کے فیصلے کی توثیق کی ہے۔

شاہی فرمان کے مطابق، شاہ سلمان نے شہزادہ عبدالعزیز بن سعودد بن نایف کو وزیر داخلہ جبکہ احمد بن محمد السالم کو نائب وزیر داخلہ مقرر کیا ہے، ان کا عہدہ وزیر کے مساوی ہو گا۔