لیبیا کے شہر زووارے کے ساحل سے 16 مہاجرین کی لاشیں برآمد

لیبیا کے شہر زووارے کے ساحل سے غیر قانونی طریقے سے یورپ جانے کے خواہشمند 16 مہاجرین کی لاشیں برآمد ہوئی ہیں ۔

 خیال کیا جاتا ہے کہ مہاجرین کی یہ کشتی چند روز قبل غرق ہوئی تھی ۔ مہاجرین کی لاشیں مسخ ہونے کیوجہ سے ان کی شناخت میں مشکل پیش آ رہی ہے ۔ لیبیا میں 2011 میں معمر قذافی کو اقتدار سے ہٹانے  کیوجہ سے شروع ہونے والی بغاوت  کے بعد ابھی تک ملک میں افراتفری کا عالم جاری ہے ۔اس صورتحال سے فائدہ اٹھانے والے انسانی سمگلر غیر قانونی طریقے سے انسانوں کو   بحیرہ روم سے یورپ لے جا رہے ہیں ۔

دریں اثناء اقوام متحدہ نے اعلان کیا ہے کہ امسال لیبیا سے اٹلی جانے کی کوشش کرنے والے 4 ہزار مہاجرین اپنی زندگیوں سے ہاتھ دھو بیٹھے ہیں  ۔گزشتہ بدھ کے روز لیبیا کے کھلے سمندر میں ایک کشتی کے غرق ہونے سے  29 مہاجرین ہلاک ہو گئے تھے ۔  یورپی یونین نے اعلان کیا ہے کہ شمالی افریقہ سے مہاجرین کی آمد میں اضافے کی روک تھام کے لیے لیبیا کی کوسٹ گارڈ کی ٹیموں کو تربیت دی  گئی ہے ۔