مصر میں کشتی کے حادثے میں 22 افراد ہلاک

مصر میں دریائے نیل میں مسافر بردار کشتی کے حادثے میں کم از کم بائیس افراد ڈوب کر ہلاک ہو گئے ہیں۔ مقامی ذرائع ابلاغ کے مطابق ہلاک ہونے والوں میں زیادہ تر بچے ہیں۔ ابتدائی اطلاعات میں بتایا گیا ہے کہ یہ حادثہ ایک دوسری کشتی سے ٹکرانے کی وجہ سے پیش آیا، جس کے بعد یہ مسافر بردار کشتی الٹ کر غرق ہو گئی۔ لاپتہ افراد کی تلاش کا کام جاری ہے۔ اس حادثے میں سیاحوں کی ہلاکت کی ابھی تک کوئی اطلاع نہیں ہے۔