عراق میں مقدس تہوار دہشت گردی کا نشانہ

اطلاع کے مطابق عراق میں ملک کے ایک مصروف بازار میں ہونے والے کار بم دھماکے میں کم سے کم 35 افراد ہلاک اور درجنوں زخمی ہو گئے ہیں۔
یہ خود کش حملہ عراق کے مشرقی صوبے دیالا کے قصبے خان بنی سعد میں کیا گیا اور ابتدائی معلومات کے مطابق اس شدید دھماکے میں بھاری جانی و مالی نقصان ہوا ہے۔
عراقی پولیس کا کہنا ہے کہ یہ دھماکہ اس وقت ہوا جب لوگ عید منا رہے تھے۔
دہشت گرد اور سفاک تنظیم داعش نے نے اس دھماکے کی ذمہ داری قبول کر تے ہوئے اعلان کیا ہے کہ یہ دھماکہ تین ٹن وزنی بم سے ایک پر ہجوم مقام پر کیا گیا۔
عینی شایدین کا کہنا ہے کہ دھماکے کے وقت بچوں کی ایک کثیر تعداد عید سعید کے موقع پر کھلونے خرید رہے تھے۔
حکام نے دیالا صوبے میں تین دن کے لیے سوگ کا اعلان کرتے ہوئے عید کی دوسری تقربیات پر پابندی عائد کر دی ہے۔