امریکہ کا اعتراف: اصل غلطی عراق پر قبضہ تھی

تقسیم ہونے کے قریب ملک عراق کے بارے میں امریکہ کی طرف سے ایک اعتراف۔۔۔
امریکہ کے وزیر خارجہ جان کیری نے کہا ہے کہ اصل غلطی سال 2003 میں عراق پر قبضہ کر کے کی گئی ہے۔
کیری نے کہا کہ عراق پر قبضے کے بعد علاقے کو حقیقی معنوں میں سیاہ بادلوں نے ڈھانپ لیا ہے۔
سال 2003 میں عراق پر قبضہ کئے جانے کے بعد سے لے کر اب تک ملک میں 1 لاکھ 35 ہزار سے زائد شہری ہلاک ہو چکے ہیں۔
ایسی ہلاکتوں کے سمیت کہ جن کا کوئی ریکارڈ ہی نہیں ہے اندازاً 2 لاکھ افراد ہلاک ہو چکے ہیں۔
جان کیری نے اعتراف کیا کہ امریکہ کی عراق میں مداخلت ایک سنگین غلطی تھی۔
انہوں نے کہا کہ ان کا ملک ابھی تک جنگ کے نتیجے میں سامنے آنے والے مسائل سمیت دیگر سب مسائل پر قابو پانے کی کوشش کر رہا ہے۔
کیری نے کہا کہ "عراق میں مداخلت کرنا ایک سنگین غلطی تھی اور ابھی تک ہم جن مسائل سے نبرد آزما ہیں وہ اس غلطی کا نتیجہ ہیں۔ جنگ نے اپنے پیچھے بہت بڑے مسائل چھوڑے ہیں اور یہ مسائل حقیقی معنوں میں ملک کے اوپر اُمڈ آنے والے سیاہ بادل ہیں۔ ہم بھاری شکل میں کام کر رہے ہیں۔ وزیر اعظم اوباما کا فیصلہ ہمارے اس صورتحال کو تبدیل کرنے کے لئے مصروف عمل ہونے کی ضمانت تھا اور عراق سے فوج کا انخلاء بھی اسی وجہ سے تھا"۔
انہوں نے کہا کہ عراق میں مسئلے کا حل مختلف مذہبی فرقوں کے درمیان توازن قائم کرنے اور ایک اتحادی حکومت قائم کرنے سے ممکن ہے۔
کیری نے کہا کہ "عراقی، اتحادی اور نمائندگی کی بنیادوں پر انحصار کرنے والی حکومت کے بارے میں فیصلہ کرنے پر مجبور ہیں۔ اس اتحادی اور مکمل نمائندگی والی حکومت کا ،عوام کو ایک جگہ جمع کرنا اور کُردوں، شعیوں اور سنّیوں کے درمیان تعلقات کو اصلاحات کی مدد سے بہتر بنانا ضروری ہے۔ آنے والے دنوں میں ہم عراق میں جس صورتحال کی تمنا کرتے ہیں وہ یہی ہے"۔
واضح رہے عراق میں ایک طویل عرصے سے جاری اس بدنظمی میں، دولت اسلامی عراق و شام دہشت گرد تنظیم کے 10 جون بروز منگل کو ملک کے دوسرے بڑے شہر مُوصل پر اور اس کے بعد تکریت پر قبضہ کرنے کے بعد، زیادہ شدت آ گئی ہے۔
دولت اسلامی عراق و شام دہشت گرد تنظیم ملک کے مغرب اور شمال میں متعدد علاقوں کا کنٹرول سنبھالے ہوئے ہے۔