ایرانی قنونصل خانے پر حملے کا اصل ذمہ دار امریکہ ہے، ایرانی چیف آف جنرل سٹاف
دمشق پر حملے میں زاہدی اور اس کے ساتھ ایرانی فوجیوں کی ہلاکت نے اسرائیل کے خاتمے کے عمل کو تیز کر دیا ہے
ایران کے چیف آف جنرل اسٹاف محمد باقری نے کہا کہ دمشق میں ایران کے قونصل خانے پر اسرائیل کے حملے کا اصل ذمہ دار امریکہ ہے۔
تسنیم خبر رساں ادارے کے مطابق، باقری نے شام پر اسرائیل کے حملے میں شہید ہونے والے پاسداران انقلاب کی قدس فورس کے کمانڈر بریگیڈیئر جنرل محمد رضا زاہدی کے لیے اصفہان میں منعقدہ آخری رسومات کی تقریب سے خطاب کیا۔
دمشق پر حملے میں زاہدی اور اس کے ساتھ ایرانی فوجیوں کی ہلاکت نے اسرائیل کے خاتمے کو تیز کرنے کا استدال کرنے والے باقری نے کہا کہ اسرائیلی حملہ لا جواب نہیں رہے گا۔
ایرانی چیف آف جنرل اسٹاف کا کہنا ہے کہ "دمشق حملے کا اصل ذمہ دار امریکہ ہے اور اسے جوابدہ ہونا چاہیے۔"
خیال رہے کہ اسرائیل نے یکم اپریل کو دمشق میں ایران کے سفارت خانے کے کیمپس میں قونصل خانے کی عمارت پر فضائی حملہ کیا۔ حملے میں ایرانی پاسداران انقلاب کی فوج کے 2 جنرلوں سمیت 7 افراد مارے گئے تھے۔ یہ بھی بتایا گیا کہ اس حملے میں 6 شامی شہری اپنی جانوں سے ہاتھ دھو بیٹھےتھے۔
متعللقہ خبریں
شمالی کوریا نے جنوبی کوریا کے ساتھ غیر عسکری علاقے میں بارودی سرنگیں بچھا دیں
شمالی کوریا، فوجی قوّت سے پاک علاقے میں بارودی سرنگیں بچھا رہا ہے: روزنامہ یونہاپ