جاپان: شینزو آبے جان کی بازی ہار گئے

جاپان کے سابقہ وزیر اعظم 'آبے شینزو' مسلح  حملے کے نتیجے میں ہلاک ہو گئے ہیں۔

جاپان کے سرکاری ٹیلی ویژن NHK کی خبر کے مطابق سابقہ وزیر اعظم آبے شینزو 'نارا' شہر  میں لبرل ڈیموکریٹ پارٹی  امیدوار کی انتخابی مہم کے ساتھ تعاون کے لئے جلسے سے خطاب کر رہے تھے کہ انہیں گولی مار دی گئی۔

آبے کو شدید زخمی حالت میں ہسپتال منتقل کیا گیا جہاں وہ  وفات پا گئے ہیں۔

حملہ آور کو جائے وقوعہ سے زیادہ دُور جانے سے قبل گرفتار کر لیا گیا ہے۔

41 سالہ 'یاماگامی تیتسویا' نامی حملہ آور بحری سیلف ڈیفنس فورسز کا سابقہ اہلکار ہے۔

واضح رہے کہ '  نارا' میں لبرل ڈیمو کریٹ پارٹی  کی انتخابی مہم کے لئے کھُلی ہوا میں منعقدہ جلسے سے خطاب کے دوران جاپان کے سابقہ وزیر اعظم  آبے شینزو  پر مسلح حملہ کیا گیا۔

گولی آبے شینزو کے سینے میں لگی۔  انہیں فوری طور پر ہسپتال منتقل کر دیا گیا تھا جہاں وہ تمام تر طبّی کوششوں کے باوجود جانبر نہیں ہو سکے۔

واضح رہے کہ 2012 سے 2020 پر محیط وزارت اعظمیٰ دور کے ساتھ آبے شینزو ملکی تاریخ میں طویل ترین عرصے تک اقتدار میں رہنے والے وزیر اعظم ہیں۔

وہ 2 سال قبل صحت کے مسائل کی وجہ سے عہدے سے دستبردار ہو گئے تھے۔

ملک میں معمول کے انتخابات 10 جولائی کو متوقع ہیں۔