غیرملکی افواج کےانخلا سے امید ہے کہ افغانستان خانہ جنگی سے بچا رہےگا:بلنکن
بلنکن نے امید ظاہر کی کہ غیر ملکی افواج کے افغانستان سے انخلا کے بعد وہاں خانہ جنگی پیدا نہیں ہوگی جبکہ افغان عوام بھی جنگ کے نہیں بلکہ امن کے خواہاں ہیں
امریکی وزیر خارجہ انٹونی بِلنکن ایک غیر اعلانیہ دورے پر گزشتہ روز اچانک افغانستان پہنچ گئے۔
انہوں نے افغان صدر اشرف غنی کے ساتھ ملاقات میں امریکی افواج کے انخلا کے معاملے پر تبادلہ خیال کیا۔
امریکی وزیر خارجہ کے مطابق اس دورے کا مقصد کابل حکومت کو یقین دلانا ہے کہ افغانستان سے امریکی فوجی دستوں کی واپسی کے بعد بھی واشنگٹن انتظامیہ کابل حکومت کے ساتھ مل کر کام کرنے کے لیے پرعزم ہے۔
بلنکن نے امید ظاہر کی کہ غیر ملکی افواج کے افغانستان سے انخلا کے بعد وہاں خانہ جنگی پیدا نہیں ہوگی جبکہ افغان عوام بھی جنگ کے نہیں بلکہ امن کے خواہاں ہیں۔
دوسری جانب افغان صدر نے امریکی فوج کی قربانیوں کو سراہتے ہوئے کہا کہ ہم امریکہ کے اس فیصلے کا احترام کرتے ہیں۔
امریکی صدر جو بائیڈن پہلے ہی افغانستان سے فوجی انخلا کا اعلان کرچکے ہیں۔
یاد رہے کہ رواں سال گیارہ ستمبر تک افغانستان میں موجود 2500 امریکی فوجی وطن واپس لوٹ جائیں گے۔
متعللقہ خبریں
بھارت کا کرسٹل 2 میز بیلسٹک میزائل کا تجربہ
درمیانے فاصلے تک مار کرنے والے بیلسٹک میزائل کے تجربے نے اس کی آپریشنل صلاحیت کو ثابت کردیا ہے