جاپان میں6.9 شدت کا زلزلہ:نو افراد زخمی
جاپان کے جزیرے ہونشو کے علاقے میاگی میں 6.9 شدت کے زلزلے سے خوف و ہراس پھیل گیا اور سونامی سے خوف زدہ لوگ گھروں سے دوڑتے ہوئے باہر نکل آئے
1605836
جاپان کے ساحلی علاقے میاگی میں 6.9 شدت کے زلزلے کے جھٹکے محسوس کیے گئے جس کے بعد سونامی الرٹ جاری کردیا گیا۔
خبر رساں ادارے NHK کے مطابق، جاپان کے جزیرے ہونشو کے علاقے میاگی میں 6.9 شدت کے زلزلے سے خوف و ہراس پھیل گیا اور سونامی سے خوف زدہ لوگ گھروں سے دوڑتے ہوئے باہر نکل آئے۔
میاگی کے رہائشیوں کو علاقہ چھوڑنے کی ہدایت کی گئی ہے جبکہ نو افراد کے زخمی ہونے کی بھی اطلاعات ملی ہیں۔
بتایا گیا ہے کہ زلزلے کا مرکز میاگی کے سمندر کی 60 کلومیٹر گہرائی میں تھی۔
اسپتالوں میں ہنگامی حالت نافذ کردی گئی ہے جب کہ امدادی اداروں کے اہلکاروں کو طلب کرلیا گیا ہے۔
رہائشیوں کو محفوظ مقام پر منتقل کیا جا رہا ہے۔
زلزلے کے جھٹکے ٹوکیو میں بھی محسوس کیے گئے ہیں۔
