انڈونیشین عوام کو بِپ کے ترکی ساختہ ہونے پر فخر ہے

انڈونیشیا کے عوام ذاتی معلومات  کے تحفظ سے متعلق اندیشوں کی وجہ سے فوری پیغام رسانی کی اپیلی کیشن واٹس ایپ  کو ترک  کر کے ترکی کے سماجی رابطہ پلیٹ فورم 'بِپ' کی طرف رجوع کر رہے ہیں۔

انڈونیشیا کےعوام کا کہنا ہے کہ  واٹس ایپ سے زیادہ بہتر ویڈیو کال، ایک ہزار افراد تک کے چیٹنگ گروپ  اور مختلف چینلوں کی رکنیت کی اجازت دینے جیسی خصوصیات کی وجہ سے ہم بِپ کو ترجیح دے رہے ہیں۔ اس کےعلاوہ اس اپیلی کیشن کے ترکی ساختہ ہونے پر بھی ہمیں فخر ہے۔

گوگل پلے اسٹور  کے 16 جنوری کے اعداد و شمار کے مطابق بِپ کو دنیا بھر میں 50 ملین سے زائد افراد نے ڈاون لوڈ کیا ہے۔

یہ پروگرام 106 زبانوں کے فوری ترجمے اور ایکسچینج ریٹ  جیسی متعدد معاون خصوصیات  کے ساتھ ساتھ قابل اعتبار، آسان  استعمال اور مفت  رابطے کا امکان پیش کرتا ہے۔

علاوہ ازیں بِپ کے صارفین بیک وقت 10 افراد کے ساتھ ویڈیو  اور آڈیو کال کر سکتے ہیں۔