افغانستان: مسجد کے دروازے پر بم حملہ، 2 افراد ہلاک 12 زخمی
بم موٹر سائیکل پر نصب کیا گیا تھا جسے شہر کے مرکزی حصے میں واقع مسجد کے دروازے پر نمازیوں کے نکلنے کے وقت اڑا دیا گیا
1213433
افغانستان کے شمالی صوبے بغلان کی تحصیل نہرین میں مسجد کے داخلی حصے پر کئے گئے بم حملے میں2 افراد ہلاک ہو گئے ہیں۔
حملہ اس وقت کیا گیا جب نماز عید کی ادائیگی کے بعد نمازی مسجد سے نکل رہے تھے۔
بغلان کے پولیس ڈائریکٹر احمد جاوید بشارت کے مطابق بم موٹر سائیکل پر نصب کیا گیا تھا جسے شہر کے مرکزی حصے میں واقع مسجد کے دروازے پر نمازیوں کے نکلنے کے وقت اڑا دیا گیا۔
بشارت کے مطابق حملے میں 2 افراد ہلاک اور 12 زخمی ہو گئے ہیں۔
حملے کی ذمہ داری تاحال کسی نے قبول نہیں کی۔
