کابل میں بم اور مسلح حملے کے بعد جھڑپ چھڑی

افغان دارالحکومت کابل میں وزارت برائے  خبر رسانی اور ٹیلی کیمیونیکیشن  پر بم اور اسلحہ سے حملہ کیا گیا۔

کابل محکمہ پولیس کے ترجمان بشیر مجاہد  نے انادولو ایجنسی کے نمائندے کو بتایا ہے کہ کابل  کے مرکز میں واقع وزارت  کے دفتر  کے سامنے  بم دھماکے کے بعد حملہ آوروں نے عمارت میں گھستے ہوئے پولیس  اہلکاروں پر فائر کھول دیا۔

پولیس کی جوابی فائرنگ سے  چھڑنے والی جھڑپ تا حال جاری ہے۔

عینی شاہدین  کا کہنا ہے کہ حملہ آوروں نے دفتر کی دوسری منزل  پر جاتے ہوئے اندھا دھند فائرنگ کی۔

واضح رہے کہ یہ عمارت صدارتی محل، وزارتِ خارجہ اور سفارتخانو ں کے جوار  میں واقع ہے۔

اس حملے کی ذمہ داری تا حال کسی نے  قبول نہیں کی۔