انڈونیشیا: 5.1 کی شدت سے زلزلہ

انڈونیشیا کے جزیرے سماٹرا کے صوبے آچے میں 5.1 کی شدت سے زلزلے کے جھٹکے محسوس کئے گئے ہیں۔

انڈونیشیا کے محکمہ موسمیات کے مطابق زلزلے کا مرکز صوبے کے دارالحکومت  باندا آچے سے 93 کلو میٹر جنوب مغرب میں تھا اور  اس کی گہرائی 14 کلو میٹر زیر زمین ریکارڈ کی گئی ہے۔

زلزلے کے نتیجے میں کسی جانی و مالی نقصان یا کسی کے زخمی ہونے کے بارے میں کوئی معلومات فراہم نہیں کی گئیں۔ علاوہ ازیں سونامی کی وارننگ بھی نہیں دی گئی۔

واضح رہے کہ پیسیفک آتشی چیمبر  کے نام سے پہچانے جانے والے آتش فشانی بیلٹ  میں شامل ملک انڈونیشیا میں 26 دسمبر 2004 کو 9.1 کی شدت سے زلزلے اور اس کے بعد سونامی کے نتیجے میں 2 لاکھ 30 ہزار افراد ہلاک ہو گئے تھے۔