طالبان کے ساتھ مذاکرات کےلیے پر عزم ہیں: عبداللہ عبداللہ

افغانستان کے چیف ایگزیکیوٹیو عبداللہ عبداللہ نے کہا ہے کہ  ان کی حکومت  طالبان کے ساتھ امن مذاکرات کےلیے  پر عزم ہے ۔

 یہ بات انہوں نے  اقوام متحدہ کے 73 ویں عمومی اجلاس   سے خطاب کے دوران کہی ۔

انہوں نے کہاکہ دہشت گردی کے مکمل خاتمے کےلیے  حکومت ہر ممکنہ کوشش کرے گی ،بعض ممالک  دہشتگرد گروہوں  کو اپنے مفادات کےلیے استعمال کر رہے ہیں لیکن   دنیا کو چاہیئے کہ وہ  اُن کے خلاف صف آرا ہو جائے۔

 عبداللہ نے کہا کہ  اُن کی حکومت  طالبان کے ساتھ امن مذاکرات کےلیے پر عزم ہے  اور اگر انہوں نے ہمارا یہ مطالبہ قبول کرلیا تو   حکومت انہیں افغان شہریوں کے مساوی درجہ  دے گی ۔

انہوں نے کہا کہ افغانستان  اس وقت  قحط سالی،ہجرت اور دہشتگردی کا شکار ہے  جن کے خاتمے کےلیے  ہمیں دوست ممالک  کی مدد   چاہیئے۔