شمالی کوریا اور امریکہ کے درمیان مثبت پیش رفت خوش آئند ہے:چین
چینی وزارت خارجہ کے ترجمان نے کہا ہے کہ ڈونلڈ ٹرمپ اور کم جونگ اُن کی ملاقات ایک انتہائی مثبت قدم ہو گا
926104
چین نے شمالی کوریا اور امریکہ کی طرف سے تناؤ کے خاتمے کے لیے مثبت ردعمل پر اطمینان کا اظہار کیا ہے۔
چینی وزارت خارجہ کے ترجمان نے کہا ہے کہ ڈونلڈ ٹرمپ اور کم جونگ اُن کی ملاقات ایک انتہائی مثبت قدم ہو گا۔
اس سے قبل امریکی صدر نے کہا تھا کہ وہ شمالی کوریائی رہنما کِم جونگ اُن سے ملاقات کے لیے تیار ہیں۔
یہ پیشرفت ایک ایسے موقع پر ہوئی ہے، جب شمالی کوریا نے اپنے میزائل اور جوہری پروگرام کو ترک کرنے پر آمادگی ظاہر کی ہے۔
یاد رہے کہ گزشتہ پیر کے روز ہی جنوبی کوریا کا ایک وفد پیونگ یانگ میں کم جونگ اُن سے ملا تھاجس دوران دو نوں ممالک کے مابین تعلقات کی بہتری کے لیے گفتگو کی گئی تھی۔
