آنگ سان سوچی کا سلامتی کونسل کے بیان پرشدید ردِ عمل

نوبل امن انعام يافتہ آنگ سان سوچی نے اقوام متحدہ  کی سلامتی کونسل کے بیان پر اپنے شدید ردِ کا اظہار کیا ہے۔

انہوں نے ایک بیان دیتے ہوئے کہا ہے کہ کہا کہ بنگلہ ديش اور ميانمار کو لاحق اس مسئلے کا حل، يہ دونوں ممالک مل کر نکال سکتے ہيں۔

انہوں نے کہا کہ  روہنگيا مہاجرين کے بحران کے حوالے سے اقوام متحدہ کی سلامتی کونسل کا بيان، ان مہاجرين کی واپسی کے ليے بنگلہ ديش کے ساتھ جاری بات چيت کے عمل کو منفی طور پر متاثر کر سکتا ہے۔ نوبل امن انعام يافتہ آنگ سان سوچی نے کہا کہ بنگلہ ديش اور ميانمار کو لاحق اس مسئلے کا حل، يہ دونوں ممالک مل کر نکال سکتے ہيں۔

 سکيورٹی کونسل نے قبل ازيں ميانمار پر زور ديا تھا کہ غير ضروری قوت کے استعمال کو فوری طور پر ترک کيا جائے۔ علاوہ ازيں پندرہ رکنی سلامتی کونسل نے راکھين ميں انسانی حقوق کی سنگين خلاف ورزيوں کی رپورٹوں پر بھی تشويش کا اظہار کيا تھا۔