افغانستان میں 55 دہشت گرد ہلاک
افغان حکام کے مطابق فورسز نے طالبان جنگجو کے خلاف صوبہ نورستان میں فضائی کارروائی کی ،جس میں 2کمانڈروں سمیت 55 جنگجو مارے گئے
804379
افغان فورسز نےصوبہ نورستان میں فضائی حملے میں 55 جنگجو ہلاک کرنے کا دعویٰ کیا ہے۔
افغان حکام کے مطابق فورسز نے طالبان جنگجو کے خلاف صوبہ نورستان میں فضائی کارروائی کی ،جس میں 2کمانڈروں سمیت 55 جنگجو مارے گئے ۔
پولیس چیف محی الدین سروری نے کہا کہ 300 کے قریب افغان طالبان گزشتہ کئی دنوں سے صوبہ نورستان کے ڈسٹرکٹ برگ ماتل میں موجودتھےاور حملوں کی منصوبہ بندی کررہے تھے۔
انہوں نے مزید کہا کہ افغان فورسز کی فضائی کارروائی میں 55 جنگجو ہلاک ہوئے ،جن میں 2 کمانڈر بھی شامل ہیں ،جن کی شناخت محمد اسماعیل اور فضل کریم کے نام سے ہوئی ہے۔
طالبان ترجمان نے فضائی حملےمیں طالبان جنگجووں کی ہلاکت کی تردید کی ہے۔
