مقبوضہ کشمیر میں برفانی تودے کے گرنے کے نتیجے میں 19 افراد ہلاک

بھارت  کے   زیر انتظام کشمیر میں برفانی تودے  گرنے کے نتیجے میں    ہلاک ہونے والے افراد کی تعداد انیس تک پہنچ گئی ہے۔

شدید برفباری کے باعث  کشمیر کے اندرونی حصوں میں مواصلات کا نظام بری طرح متاثر ہوا ہے اور کئی علاقوں کے لیے بجلی کی فراہمی بدستور بند ہے۔

برف کے تودے گرنے اور ان کی زد میں آنے والی رہائشی عمارتیں گرنے سے بُدھ کی رات اور جمعرات کو مزید دس بھارتی فوجی ہلاک ہو گئےتاہم سات فوجیوں کو امدادی کارروائیوں کے نتیجے میں زندہ نکال لیا گیا۔

محکمہ موسمیات نے اگلے 24 گھنٹوں کے دوران کشمیر اور آس پاس کے علاقوں میں مزید برفباری کی پیش گوئی کی ہے۔