کابل میں امریکی یونیورسٹی پر حملہ، سات طالب علموں سمیت 13  افرادہلاک  44 زخمی

افغانستان کے دارالحکومت کابل میں امریکی یونیورسٹی پر دہشت گردوں کے حملے میں سات طالب علموں سمیت 13  افرادہلاک  اور 44 زخمی ہوگئے ہیں ۔

افغان وزارت داخلہ کے مطابق  مسلح افراد یونیورسٹی کے قریب بموں سے لدی ہوئی گاڑی  کیساتھ دھماکے کرنے کے بعد یونیورسٹی میں داخل ہوئے ۔ انھوں نے خود کش جیکٹس بھی پہنی ہوئی تھیں حملہ آوروں نے یونیورسٹی میں داخل ہونے کے بعد نہ صرف اندھا دھند فائرنگ کی بلکہ بم دھماکے بھی کیے۔

حکام کا کہنا ہے کہ حملے کے باعث یونیورسٹی میں  700 کے قریب  غیر ملکی طالب علموں سمیت اساتذہ بھی پھنس گئے ہیں ۔ حملے کی اطلاع ملتے ہی علاقے کو فوج کے حوالے کر کے آپریشن شروع کردیا گیا ہے۔

یاد رہے کہ کابل میں دو ہفتے قبل امریکن یونیورسٹی کے دو غیر ملکی اساتذہ کو  نا معلو م افراد نے یر غمال بنا لیا تھا ۔