افغانستان کے صوبہ ہلمند میں پولیس ٹریننگ سینٹر کے باہر چیک پوسٹ پر خود کش حملہ، تین اہلکار ہلاک ،نو

افغانستان کے جنوبی صوبے ہلمند کے ضلع ناد علی میں پولیس ٹریننگ سینٹر کے باہر چیک پوسٹ پر ایک خود کش حملے میں تین اہلکار ہلاک جبکہ سات اہلکاروں سمیت نو افراد زخمی ہو گئے۔

ہلمند صوبے کی پولیس کے سربراہ عبدالرحمان سَرجنگ کے مطابق حملہ آور نے دھماکہ خیز مواد سے بھری کار پولیس ٹریننگ سینٹر کے باہر چیک پوسٹ سے ٹکرا دی۔ دھماکے کے نتیجے میں تین اہلکار ہلاک جبکہ سات اہلکار اور دو شہری زخمی ہو گئے۔ جنہیں اسپتال منتقل کر دیا گیا۔ دوسری جانب طالبان کے ترجمان قاری یوسف احمدی نے اِس حملے کی ذمہ داری قبول کی ہے۔ ان کے مطابق حملے میں درجنوں پولیس اہلکاروں کی ہلاکت ہوئی ہے۔