افغانستان میں خود کش حملہ، ایک غیر ملکی سمیت تین افراد ہلاک
ہلاک ہونے والوں میں ایک غیر ملکی اور دو مقامی خواتین شامل ہیں۔ حکام نے بتایا ہے کہ آج کیے گئے اس حملے میں غیر ملکیوں کے ایک قافلے کو نشانہ بنانے کی کوشش کی گئی۔ اس حملے میں ایک غیر ملکی کی ہلاکت کی بھی تصدیق کر دی گئی ہے
278352
افغان دارالحکومت کابل کے ہوائی اڈے کے قریب ہونے والے ایک خود کش کار بم حملے میں کم ازکم تین افراد ہلاک جبکہ اٹھارہ زخمی ہو گئے ہیں۔
ہلاک ہونے والوں میں ایک غیر ملکی اور دو مقامی خواتین شامل ہیں۔
حکام نے بتایا ہے کہ آج کیے گئے اس حملے میں غیر ملکیوں کے ایک قافلے کو نشانہ بنانے کی کوشش کی گئی۔ اس حملے میں ایک غیر ملکی کی ہلاکت کی بھی تصدیق کر دی گئی ہے۔ کابل پولیس کے ترجمان عباد اللہ نے اے ایف پی کو بتایا زخمی ہونے والوں میں بچے بھی شامل ہیں۔ طالبان نے اس حملے کی ذمہ داری قبول کرتے ہوئے دعویٰ کیا ہے کہ سات غیر ملکی فوجیوں کو ہلاک کر دیا گیا ہے۔