ڈھاکہ میں فیکٹری کی چھت کرنے سے 7 افراد ہلاک 53 زخمی

بنگلہ دیش کے دارلحکومت ڈھاکہ کےمنگلولا قصبے میں واقع سیمنٹ فیکٹری کی زیرتعمیر چھت اچانک گرگئی جس کے ملبے تلے دب کر 7 افراد موقع پر ہلاک ہوگئے۔ اطلاع ملتے ہی امدادی ٹیمیں موقع پر پہنچ گئیں جب کہ ملبے سے 7 افراد کی لاشیں اور 53 زخمیوں کو فوری طور پر ے اسپتال منتقل کردیا گیا ۔ پولیس کے مطابق فیکٹری میں 90 سے زائد ملازمین موجود تھے جن میں سے 30 کے قریب لاپتہ ہیں جنہیں ملبے سے نکالنے کے لئے بھر پور کوششیں جاری ہیں ۔ دوسری جانب منگولا قصبے کے قریب تمام اسپتالوں میں ایمرجنسی نافذ کرتے ہوئے عملے کو طلب کرلیا گیا ۔ ہسپتال کے حکام کا کہنا ہے کہ اسپتال میں لائے گئے 53 زخمیوں میں سے 6 کی حالت تشویشناک ہے۔ یاد ر رہے کہ اس سے قبل 2013میں بھی ڈھاکہ میں گارنمنٹ فیکٹری کی چھت گرنے کا اندوہناک واقعہ پیش آیا تھا جس کے نتیجے میں ایک ہزار سے زائد افراد جاںبحق گئے تھے۔