کین فلم فیسٹیول کی معروف شخصیات کا فلسطین کے ساتھ اظہارِ یکجہتی
کین فلم فیسٹیول میں معروف شخصیات نے اپنی لباسوں میں فلسطینی پرچم کے رنگ استعمال کر کے فلسطین کے ساتھ اظہارِ یکجہتی کیا
فرانس میں منعقدہ 77 ویں کین فلم فیسٹیول میں معروف شخصیات نے اپنی لباسوں میں فلسطینی پرچم کے رنگ استعمال کر کے اور فلسطین کی علامت 'تربوز' والے بیج استعمال کر کے فلسطین کے ساتھ اظہارِ یکجہتی کیا ہے۔
14 تا 25 مئی کو منعقدہ روایتی کین فلم فیسٹیول میں فلسطین الاصل امریکی اداکارہ بیلا حدید کے سرخ لباس اور فلسطینی رومال کیفیہ کو سوشل میڈیا پر بے حد سراہا گیا۔
آسکر ایوارڈ یافتہ سینما اسٹار کیٹ بلینشیٹ بھی فلسطینی پرچم کے رنگوں والے لباس کے ساتھ سوشل میڈیا پر ایجنڈے کا موضوع بن گئی۔
بھارتی اداکارہ کانی کسروتی نے بھی فلم کے گالا میں تربوز کی کاش والا ہینڈ بیگ استعمال کیا۔
فرانس کی الجزائر الاصل اداکارہ لیلی بختی نے تربوز کی کاش والے بروش اور اطالوی اداکارہ جیسمین ٹرنکا نے فلسطینی پرچم والے بروش کے ساتھ فلسطین کے ساتھ اظہارِ یکجہتی کیا۔
آسٹریلیوی اداکارہ گائے پیئرس نے فلسطینی پرچم کے رنگوں والا برسلیٹ پہنا اور مراکش کے ہدایتکار اسمائے المدیر نے بھی دستانے پر بنا ہوا فلسطینی پرچم دِکھا کر اخباری نمائندوں کو پوز دیا۔
متعللقہ خبریں
غیر ملکی سیاحتی بحری جہازوں کی ترکیہ آمد کا سلسلہ جاری
روڈز پورٹ سے آنے والے 238 میٹر طویل "کرسٹل سمفنی" جہاز پر 445 مسافر اور 492 اہلکار سوار ہیں