ٹرائے میوزیم کوپروموشنل ویڈیو مقابلے میں پہلا انعام

یورپ  سے لگاتار دو سال تک باوقار ایوارڈز حاصل  کرنے والے  چناق قلعے  ٹرائے میوزیم میوزیم نے یورپی میوزیم اکیڈمی کے تعاون سے 8ویں بار منعقد  ہونے والے مختصر پروموشنل ویڈیو مقابلے میں پہلی پوزیشن حاصل کی ہے۔

میوزیم  جسے 1998 میں اقوام متحدہ کے تعلیمی، سائنسی اور ثقافتی ادارے (UNESCO) نے عالمی ثقافتی ورثے کی فہرست میں شامل کیا تھا  کی تاریخ 5 ہزار  500 سال تک پھیلی ہوئی ہے قدیم شہر ٹرائے کے داخلی دروازے پر واقع ہے ۔

90 ہزار مربع میٹر کے رقبے پر مشتمل 3 منزلہ ٹرائے میوزیم، جسے 2014 میں تعمیر کرنا شروع کیا گیا تھا اور اکتوبر 2018 میں سیاحوں کے لیے کھول دیا گیا تھا، سیاحوں کا   استقبال قدیم شاعر ہومر کی "داستانِ الیادہ " کے 6 زبانوں میں تیار کردہ دوہے کے ساتھ کرتا ہے۔اس  میوزیم میں  اس خطے کی کھدائیوں سے حاصل ہونے والے نوادرات اور اشیاء کی نمائش بھی کی جا رہی ہے۔

عجائب گھر  جو   ڈسپلے سینٹر ، اسٹوریج، انتظامی یونٹس، لینڈ سکیپ اور وزٹ ایریاز پر مشتمل ہے، سیاح  ریمپ پر چڑھ کر تمسام منازل تک رسائی حاصل کرسکتے ہیں۔

سیاح  میوزیم  کی سیر کے دوران ٹرائے  کے علاقے کے آثار قدیمہ، ٹرائے کے  تانبے کے دور ، داستانِ الیادہ  اور ٹرائے  کی جنگ ، قدیم مشرقی سلطنتِ روم ، سلطنتِ عثمانیہ، آثارِ قدیمہ کی تاریخ  جیسے  عنوانات   پر مشتمل  کہانیوں  کا  بھی جائزہ  لے سکتے ہیں۔

سن "2020 یورپی میوزیم آف دی ایئر کا خصوصی تعریفی  ایوارڈ حاصل کرنے کے  بعد ٹرائے میوزیم، "2020/2021 یورپی میوزیم اکیڈمی اسپیشل ایوارڈ"  بھی حاصل کرنے والا یہ میوزیم یورپ میں سب سے باوقار ایوارڈ حاصل کرنے والا پہلا ترک میوزیم بن گیا ہے۔

اس میوزیم کو "ایٹتھ  میوزیم ان شارٹ" مقابلے میں  ترکی  کی جانب سے پہلی بار "اسپیشل مینشن "  کے خصوصی ایوارڈ سے بھی نوازہ گیا۔