جرمن سیاحوں کی ترکی کی سیر میں بڑھتی ہوئی دلچسپی

دنیا کی بڑی ترین ٹورزم فرم  کہ جس کا مرکزی دفتر جرمنی  میں ہے   کے سی ای  او مارک اینڈرس زاک  کا کہنا ہے کہ ترکی  جرمن   سیاحوں  میں سب سے زیادہ طلب کے حامل ملکوں میں شمار ہوتا ہے۔

جرمن سیاحوں میں ترکی میں دلچسپی کے رحجان میں اضافہ ہونے پر زور دیتے ہوئے اینڈرس  زاک  نے بتایا کہ امسال بکنگ کی تعداد میں کافی حد تک اضافہ دیکھنے میں آیا ہے۔  ترکی عالمی سطح پر جرمن سیاحوں کے لیے تیسرے نمبر پر ترجیح کردہ ملک ہے۔  اس کی رو سے 2019 میں بھی  ترکی کے لیے بکنگ میں گہما گہمی متوقع ہے۔

انہوں نے بتایا کہ اس میں ترکی کے قدرتی مناظر ہوٹلوں کی بہترین سروس اور کم نرخ نمایاں ہیں۔

امسال کے پہلے 11 ماہ میں 4 ملین 3 لاکھ 34 ہزار جرمن سیاح ترکی کی سیر کو آئے ہیں  جو کہ گزشتہ برس کے اسی دورانیہ کے مقابلے میں 25٫56 فیصد زیادہ ہے۔

خیال رہے کہ  جرمنی روس کے بعد سب سے زیادہ سیاح ترکی بھیجنے والا دوسرا ملک ہے۔